|
ᐱᓕᕆᐊᒃᓴᕗᑦ:
ᒪᓕᒐᓕᕆᔨᒃᑯᑦ ᐱᔨᑦᓯᖅᐸᒃᐳᑦ ᐃᖅᑲᖅᑐᐃᕕᓕᕆᓂᐅᔪᓂᒃ ᒥᓂᔅᑕᓄᑦ ᐊᒻᒪ ᓄᓇᕗᒥ ᒐᕙᒪᒃᑯᓐᓄᑦ, ᐊᐅᓚᑦᑎᕙᒃᑐᑎᒃ ᑎᒍᔭᐅᒪᕕᓐᓂᑦ ᐱᓕᕆᐊᖑᕙᒃᑐᓂᒃ ᐊᒻᒪ ᓄᓇᓕᖕᓂᑦ ᐃᖅᑲᖅᑐᐃᕕᓐᓄᑦ ᐱᓕᕆᐊᓄᑦ ᓄᓇᕗᒻᒥᐅᓄᑦ.
ᒪᓕᒐᓕᕆᔨᒃᑯᑦ ᖃᐅᔨᒪᒋᐊᖅᑎᐅᕗᑦ ᒐᕙᒪᒃᑯᑦ ᐱᓕᕆᐊᖑᒐᓗᐊᕐᒪᖔᑕ ᒪᓕᑦᑐᑎᒃ ᒪᓕᒐᕐᓂᒃ. ᐃᖅᑲᖅᑐᐃᕕᓕᕆᔨᒃᑯᑦ ᐱᓕᕆᐊᒃᓴᖃᕆᕗᑦ ᖃᐅᔨᒪᒋᐊᖅᑎᐅᓪᓗᑎᒃ ᐱᖁᔭᐃᑦ ᐱᖁᔭᕋᓛᓪᓗ ᓄᓇᕗᒻᒥ ᒪᓕᒃᑲᓗᐊᕐᒪᖔᑕ ᐱᖁᔭᕐᔪᐊᕐᓂᒃ ᑲᓇᑕᒥ ᐊᒻᒪ ᓄᓇᕗᒻᒥ ᐱᖁᔭᓂᒃ. ᒪᓕᒐᓕᕆᔨᒃᑯᑦ ᐃᑲᔪᖅᐸᒃᑭᕗᑦ ᐊᓪᓚᕝᕕᓕᕆᔨᐅᓪᓗᑎᒃ ᓄᓇᕗᒻᒥ ᐃᖅᑲᖅᑐᐃᕕᓕᕆᔨᒃᑯᓐᓄᑦ.
ᒪᓕᒐᓕᕆᔨᒃᑯᑦ ᐱᔪᒥᓴᐃᖃᑦᑕᖅᐳᑦ ᐅᖑᒪᒃᓯᓇᓱᐊᖅᖢᑎᒡᓗ ᐃᓄᐃᑦ ᓴᐃᒪᓂᖃᖁᓪᓗᒋᑦ ᐃᖅᑲᖅᑐᐃᕕᓕᕆᓂᕐᒥᒃ ᐱᓕᕆᐊᖃᖅᑎᓪᓗᒋᑦ ᓄᓇᓕᖕᓂ ᓂᑲᒍᓱᒃᖢᑎᒃ ᓄᓇᓕᖕᒥᐅᓂᒃ ᐃᓅᖃᑎᒌᑦᑎᐊᖁᔨᓂᕐᒧᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂ ᒪᓕᒐᑐᖃᐅᖃᑕᐅᓂᖓᓄᑦ ᐃᓄᖕᓄᑦ ᓴᐃᒪᖃᑎᒌᑦᑎᐊᕐᓂᖅ.
| 
